Bjarnarafl ehf

Gæði og vönduð vinnubrögð!

Bjarnarafl ehf sér um að þjónusta hinn almenna íbúðareiganda, sem og húsfélög, fyrirtæki og stofnanir við framkvæmd viðhalds- og breytingaverkefna af öllum toga sem viðkemur almennri smíðavinnu.

Fyrirtækið leggur metnað sinn í að veita góða og persónulega þjónustu ásamt því að viðhalda góðum og gildum vinnubrögðum sem og hefðum sem viðurkennd eru á íslenskum byggingamarkaði.

Umsagnir

Fyrir hönd húsfélagsins að Barmahlíð 2 gef ég Bjarnarafli mín bestu meðmæli fyrir sérlega vandaða vinnu, áreiðanleika og utanumhald.

Eigandi Bjarnarafls, Sigurbjörn Kristjánsson húsasmíðameistari vann verkið sjálfur ásamt sínum mönnum, sem gerði öll samskipti auðveld og boðleiðir stuttar.

Sigurbjörn lagði lykkju á leið sína til þess að létta íbúum hússins lífið í mjög yfirgripsmiklum framkvæmdum á illa förnu valmaþaki með bogadregnum kvistum en verkið fól einnig í sér gluggaskipti og umsjón með lagfæringu á þakkanti og rennum.

Sigurbjörn og hans menn unnu verkið af mikilli nákvæmni og alúð og með virðingu fyrir húsinu, aldri þess og byggingarstíl. Bjarnarafl skilaði af sér sérstaklega góðu verki og kunnum við, íbúar Barmahlíðar 2 Sigurbirni bestu þakkir fyrir það.

Virðingarfyllst,

Fríða Sigurðardóttir Arkitekt
Við sömdum við Bjarnarafl um að skipta um þak á raðhúsalengjunni hjá okkur. Skipt var um járn,pappa og annað sem þurfti að endurnýja. Fengum við tilboð í verkið og tímamörk á verkinu sem stóðust hvorutveggja.

Við vorum ánægð með samskiptin við Sigurbjörn hjá Bjarnarafli og stóðst allt sem hann sagði og mundum hiklaust leita aftur til hans.
Eyþór Atli og Svanhildur Brekkubær 10
Við fengum Bjarnarafl í stórframkvæmdir á húsinu okkar við Neshaga. Skipta þurfti um þak, yfirfara alla glugga og annað tilfallandi í viðhaldi hússins. Hann Sigurbjörn vann verkið vel og fagmannlega, öll samskipti voru þægileg, tímalínur stóðust sem eru mikilvægur þáttur í öllum framkvæmdum. Í endurbótum á eldri húsum má alltaf reikna með einhverju ófyrirséðu, en hann Sigurbjörn er hokinn af reynslu og kom með frábærar lausnir. Mælum 100% með Sigurbirni og Bjarnarafli og munum hiklaust nota hann aftur þegar við þurfum á því að halda.
Kristjana og Baldur Neshaga